మణిరత్నం 'విలన్' లో నగ్నంగా ఉండే ఆ సీన్...

ఈ రోజు రిలీజవుతున్న మణిరత్నం తాజా చిత్రం 'రావణ్' (తెలుగులో విలన్‌) లో ఓ సన్నివేశం ఉంది.అడవుల్లో తిరిగే బీరా (అభిషేక్‌ బచ్చన్‌) చేతికి ఓ పోలీస్ దొరికిపోతాడు. రెగ్యులర్ గా పోలీసులు తమకు దొరికిన నేరస్థులను థర్డ్‌ డిగ్రీలో నగ్నంగా నిలబెట్టి విచారిస్తూంటారు. అయితే మణిరత్నం ఢిఫరెంట్‌గా ఆలోచించి రివర్స్ లో సీన్ ప్లాన్ చేసారు. దాని ప్రకారం తన చేతికి చిక్కిన పోలీస్ ‌ను బీరా నగ్నంగా నిలబెట్టి వేధిస్తాడు. ఈ సీన్ లో పోలీస్ గా యాక్ట్ చేయటానికి బాలీవుడ్‌ నటుడు నిఖిల్‌ ద్వివేదీ ని తీసుకువెళ్ళారు. అడవుల్లో షూటింగ్. మణిరత్నం నుంచి పిలుపు వచ్చిందని ఉషారుగా వెళ్ళిన అతనికి ఈ నగ్నంగా చేసే సీన్ లో నటించాలంటే కష్టం అనిపించింది.

ఈ లోగా షాట్‌ రెడీ అయ్యింది. కానీ పోలీస్‌ పాత్రధారి ద్వివేదీ ముందుకు రావటం లేదు. కెమెరా ముందుకు రమ్మని యూనిట్‌ మొత్తం ద్వివేదీని బతిమాలింది. అయితే ద్వివేదీలో కదలిక లేదు. అలా చేస్తే తన కుటుంబ ప్రతిష్ట మంటగలసిపోతుందని, ఇంట్లోవాళ్లు, స్నేహితులు చులకనగా చూస్తారని, ఆ సన్నివేశంలో నటించటం తనకు సుతరామూ ఇష్టం లేదని తేల్చి చెప్పాడు. చివరిదాకా అతడిని ఒప్పించటానికి ప్రయత్నించిన మణిరత్నం అసిస్టెంట్లు ఇక ద్వివేదీ దిగిరాకపోవటంతో అతడిని పోలిన వ్యక్తితో ఆ సన్నివేశాన్ని చిత్రీకరించారు.

ఇక ఇదే విషయాన్ని ద్వివేదీ దగ్గర మీడియా ప్రస్తావించినప్పుడు అతడు స్పందించటానికి నిరాకరించాడు..."సినిమా రిలీజ్‌ అయ్యేదాకా నేను ఏం మాట్లాడకూడదనే షరతు ఉంది. కానీ సినిమాల్లో నగ్నంగా నటించటం గురించి మాట్లాడాల్సివస్తే క్షమించాలి...నేను అలా చేయను.... భారతీయులుగా మనకంటూ కొన్ని కట్టుబాట్లు ఉన్నాయి: అని చెప్పాడు.